नमस्कार,
संध्याकाळी एका अनोळखी नंबर वरून फोन आला. तो फोन अरुण सरांनी त्यांच्या मित्राच्या मोबाईलवरून केला होता. त्यांनी सांगितलं की त्यांचा मोबाईल चोरीला गेला आहे.
"मोबाईल का कुछ नही यार बस वो कॉन्टॅक्ट नंबर्स नही जाने चाहीये. उसमे बहोत VIP कॉन्टॅक्टस है।".
"आपने आपका कॉन्टॅक्टस जीमेल से सिंक किया था क्या?", मी
"पता नही यार", अरुण सर थोड्या नाराजीच्या सुरात म्हणाले.
नंतर त्यांचा मोबाईल सापडला पण फॉरमॅट केल्यामुळे कॉन्टॅक्ट गेले होते. नव्या मोबाईलमध्ये ती सेटिंग कुठे आणि कशी करायची हे पण त्यांना दाखवलं. पण झालेला लॉस भरून काढण्यासारखा नव्हता.
बऱ्याच वेळेला फेसबुक न्यूजफीड स्क्रोल करताना मला महिन्यातून एखादा मेसेज दिसतोच की "माझा मोबाईल हरवला आहे आणि सगळे कॉन्टॅक्ट गेले आहेत. कमेंट बॉक्स मध्ये तुमचे मोबाईल नंबर्स टाका". आता बऱ्यापैकी लोकांकडे अँड्रॉइड फोन आहेत असं गृहीत धरून तुमचे कॉन्टॅक्ट सेक्युअर कसे करू शकता यासाठी हे आर्टिकल लिहीत आहे.
सर्वाना माहीत असेलच की जेव्हा तुम्ही अँड्रॉइड मोबाईल घेता तेव्हा सुरुवातीला तुम्हाला जीमेलचा एक अकाउंट द्यावा लागतो. तुमचा सध्याचा मोबाईलवरचा ऍक्टिव्ह जीमेल अकाउंट पाहायचा असल्यास तुम्ही प्लेस्टोर ला जाऊन, डाव्या बाजूला वर असणाऱ्या आडव्या छोट्या 3 रेषावर क्लीक करून पाहू शकता (इमेज 1 पहा). काही वेळेला आपला मित्र किंवा ओळखीचा कुणी आपल्याला असा अकाउंट कॉन्फिगर करून देतो अशावेळी पासवर्ड तुमच्याकडे असण खूप गरजेचं आहे.
आता जर तुम्हाला तुमचे कॉन्टॅक्ट सेक्युअर करायचे असतील तर तुम्ही पुढील गोष्टी करा
१. तुमच्या मोबाईलच्या सेटिंगस मध्ये जा (इमेज 2)
२. त्यामध्ये Account Management किंवा Accounts मेनू शोधा. (इमेज 3)
३. गूगलचा इमेज 4 मध्ये दाखवल्याप्रमाणे लोगो शोधा व त्यावर क्लीक करा
४. तुमच्या मोबाईलशी कॉन्फिगर केलेला जीमेल अकाऊंट तुम्हाला दिसेल (हे एकापेक्षा जास्त सुद्धा असू शकतात). त्यावर क्लीक करा. (इमेज 5)
५. त्यामध्ये कॉन्टॅक्ट ऑपशन दिसेल तो ऑन करा (इमेज 6).
ही सेटिंग ऑन केल्यावर तुमचा मोबाईल हरवला किंवा तुम्ही दुसरा मोबाईल घेऊन त्यामध्ये पुन्हा हाच अकाउंट कॉन्फिगर केला तर तुमचे सगळे कॉन्टॅक्ट तुम्हाला पुन्हा मिळतील.
धन्यवाद,
सुबोध अनंत मेस्त्री
तुमचा तंत्रज्ञान मित्र
सुबोध अनंत मेस्त्री
तुमचा तंत्रज्ञान मित्र
तुम्हाला यापुढे असेच आर्टिकल्स हवे असतील तर खालील लिंकवर क्लीक करून माझा हा ब्लॉग फॉलो करा.
#techiteasier #swarajyainfotech #ileadmylife #jeevanrang #doyouknow #techfriend
No comments:
Post a Comment